Жогорку Кеңештин вице-спикери Асия Сасыкбаева, депутат Исмаил Исаков парламенттин бүгүнкү жыйынында Ош жана Жалал-Абад облустарынын айрым райондорунда кышкыга камдалган тоют түгөнүп, мал ачка калуу коркунучу алдында калганын айтышты. Маселени чечиш үчүн Чүйдөн чөп жиберүүнү уюштуруу керектиги айтылды. Депутаттардын билдиргенине караганда, кыштын мынчалык катуу болушуна даярдыгы жок малчылар жардам сурап кайрылышууда. Мындай абал Алай, Чоң-Алай жана Чаткал райондорунда сакталууда. (RK)
