Бишкек – Ош унаа жолундагы кар көчкү коркунучу бар жерлерде аткылоо иштери жүргүзүлөт. Өзгөчө кырдаалдар министрлигинин маалымат катчысы Абдишарип Бекиловдун айтымында, жолдун 121-137 жана 198-265-чакырымдарында кар көчкүсүн атайылап атып түшүрүү зарылдыгы келип чыккан. Ушундай эле иш Мырзаке – Кара-Кулжа – Алайкуу унаа жолунун 45-60 жана 75-150-чакырымдарында да жүргүзүлөт. Артиллериялык куралдын жардамы менен топтолгон карды аткылоо иштери 23-февралдан 27-февралга чейин жүргүзүлөт. Аткылоо иштери жүрүп жатканда жолдун ошол аралыгы жабык болот. (RK)
