Швейцариядагы жол кырсыктан 29 адам каза тапты

Алардын 22си жаш балдар. Расмий өкүлдөрдүн айтымында, курман болгондордун көпчүлүгү тоодогу эс алуудан кайтып келе жаткан мектеп окуучулары. Дагы 24 бала ар кандай деңгээлде жаракат алган.

52 адамды салып келе жаткан автобус тоону тешкен тунелдин ичинен кыйраган. Автобус оодарылып кетерден мурда, туннелдин дубалын сүзүп алгандай. Ажал тапкан 29 кишинин ичинде автобустун эки айдоочусу да бар. (UE)