18-мартта Бишкектин Арча-Бешик жаңы конушундагы кафелердин биринин жанынан сөөгү табылган сегиз жаштагы кыз 17-мартта жакындарынын үч жашар баласын үйүнө узатканы чыгып, ошо бойдон кайтпай калган. Бул тууралуу бүгүн Ички иштер министрлигинин маалымат кызматынан кабарлашты. Узатып барган үйгө чейинки аралык 100 метрдин айланасында экени айтылууда. Соттук-медициналык экспертиза ал кыз зордукталып, муунтуп өлтүрүлгөнүн тастыктады. Кылмышкерди издөө иши уланууда. (RK)
