Өзгөчө кырдаалдар министрлигинин басма сөз кызматы кабарлагандай, Бишкек-Ош жолу эртең мененки саат 9дан түнкү 12ге чейин дале жабык бойдон калууда. Мындай чара аталган жолдо кар көчкү коркунучу сакталгандыктан, коопсуздукту камсыз кылуу, адамдардын өлүмүнө жол бербөө жана материалдык чыгымдарды азайтуу максатында көрүлүүдө. Өкмөт башчынын атайын буйругу менен “Сосновка”, “Суусамыр”, “Талды-Булак”, “Арал” посттору өзгөчө буйрук чыкканга чейин күндүзү жабык болот. Маалыматка ылайык, кар көчкү түшүү коркунучу 9-апрелге чейин болуусу мүмкүн. (KKs)
