Бейшемби күнү кечинде Махачкала-Астрахан жолундагы полиция постунда автоунаада бараткан эки жанкечти өзүн өзү жардырып жиберди. Жардыруудан кеминде 15 адам набыт болгону айтылууда, алардын 12си полиция кызматкерлери, үчөө Өзгөчө кырдаалдар министрлигинде иштегендер. Дагы 70ке жакын адам жарадар болгону айтылууда. Өзгөчө кырдаалдар министрлигинин дагы бир кызматкеринин күбөлүгү табылып, өзү изделүүдө. Дагестандын күч органдары туташ жардырууну уюштургандарды издөөгө киришти.
