Премьер-министр Өмүрбек Бабанов 14-июнда катуу таштандылардан арылууну жакшыртуу боюнча токтомго кол койду. Ага ылайык, тиешелүү мамлекеттик мекемелердин, облустук, райондук акимчиликтин жана жергиликтүү өз алдынча башкаруу органдарынын жетекчилерине аймактарда таштанды төгүлгөн жерлерди ирээтке келтирүү тапшырылды. Аткаминерлер жылтырак баштыктардын ордуна чүпөрөк жана кагаз баштыктарды колдонууга, аларды чыгаруу боюнча сунуштарды даярдоого милдеттендирилди. Бул тууралуу өкмөттөн кабарлашты. (EBM)
