Кытайдын космос кемеси орбиталдык модулга ийгиликтүү туташты

Кытайдын космос кемеси өлкөнүн тарыхында алгачкы жолу орбитадагы модулга кол менен туташтырылды. Мамлекеттик телеканал “Шэнчжоу 9” кемеси менен “Тянгун 1” орбиталдык лабораториянын жалгашканын түз эфирде көргөздү.

“Тянгун 1” дин базасында 2020-жылга чейин Кытайдын биринчи орбиталдык станциясы курулат деп болжолдонууда. Эки жабдыкты туташтыруу - курамында кытайлык биринчи аял астронавт кирген 3 кишилик экипаждын негизги максаты болчу.