“Демократия жана жарандык коом үчүн” коалициясы жүргүзгөн сурамжылоодо ар бир үчүнчү кыргызстандык сот адилеттигине ишенбей турганын билдирген. Айыл менен шаардын катышын эсептегенде, сотко ишеним шаар тургундарынын арасында, өзгөчө бишкектиктерде аз экени байкалган. Коалиция сотторго ишенимдин дале төмөн болушун бул система коррупциядан арылбай жатканы менен түшүндүрөт. Февраль айында башталган сурамжылоого жалпысынан Кыргызстандын аймактарындагы 1,5 миңдей адам катышкан. (KKs)
