Бүгүн Бишкек шаарындагы Касымалы Баялинов атындагы китепканада “Жигердүү жарандын баалуулуктары” долбоорунун алкагында тартылган социалдык роликтер көрсөтүлөт. “ЭрЭп” ассоциациясынын жетекчиси Мирзат Ажиевдин “Азаттыкка” айтымында, роликтерди Бишкектин четиндеги 15 жаңы конуштун жаштарынын өкүлдөрү тарткан. Анда жаштар кандай дөөлөттөрдү тутунат, канча тил билсе жакшы, эмнеге көңүл бурушу зарыл деген маселелерге жооп издегенге аракет кылышкан. (КЕ/RK)
