Эшимканов фонду бильярд жана шахмат турнирин өткөрөт

Белгилүү журналист жана коомдук ишмер Мелис Эшимканов атындагы фонд 8-сентябр – журналисттердин тилектештик күнүндө Эшимкановдун жаркын элесине арналган бильярд жана шахмат боюнча турнир өткөрөт.

Мелис Эшимканов көзү тирүү болгондо быйыл 50 жашка толмок. Курч калемдүү журналисттин мааракесине арналган бул иш-чара "Дасмия" эс алуу борборунда өтөт.
Турнирге катышууну каалаган журналисттерге жана чыгармачыл чөйрөнүн өкүлдөрүнө да эшик ачык экенин турнирдин уюштуруучулары "Азаттыкка" кабарлады. (RK)