Нарын облусунун мурдагы губернатору, генерал-майор Өмүрбек Суваналиев Бишкек шаар мэрлигине талапкерлигин көрсөтөт. Бул маалыматты “Азаттыкка” Суваналиев өзү тастыктады. Ал “Ар-намыс” партиясы менен бирдикте алгач Бишкек шаардык кеңешине депутаттарды шайлоого катышып, андан соң мэрликке ат салышмакчы. Мындай чечим партиянын саясий кеңешинин 23-сентябрда өткөн жыйынында кабыл алынды. Бишкек шаардык кеңешине шайлоо 25-ноябрда өткөрүлмөкчү.
Өмүрбек Суваналиев 1998-жылдан бери “Ар-намыс” партиясынын мүчөсү болуп келгенин, мамлекеттик кызматка келген учурларда гана мүчөлүгүн убактылуу токтотуп турганын кошумчалады. (KKs)
Өмүрбек Суваналиев 1998-жылдан бери “Ар-намыс” партиясынын мүчөсү болуп келгенин, мамлекеттик кызматка келген учурларда гана мүчөлүгүн убактылуу токтотуп турганын кошумчалады. (KKs)
