Марио Монти жекшембиде Кабулда ооган президенти Хамид Карзай менен сүйлөшкөнгө чейин италиялык аскерлер менен жолугушту. Өлкөнүн батышындагы Герат провинциясында НАТОнун жетекчилигиндеги коалициялык күчтөрдүн катарында 3,5 миңдей италиялык аскер да кызмат өтөйт. Италия өзүнүн аскерлерин 2014-жылы – Ооганстандан НАТОнун коалициясынын бардык аскерлери чыгарылган чакта – мекенине алып кетүүнү пландап жатат.
Премьер-министр Монтинин айтымында, Ооганстан менен дүйнөлүк коомчулуктун ал күндөн кийинки кызматташтыгы да маанилүү бойдон калат. Анын ишениминде, кызматташтык көбүрөөк аскерий аракеттерге эмес, биргелешкен экономикалык долбоорлорго негизделгени жакшы. Ооганстанда талиптерге каршы 11 жылдан бери жүрүп жаткан согушта 52 италиялык аскер курман болгон.
Премьер-министр Монтинин айтымында, Ооганстан менен дүйнөлүк коомчулуктун ал күндөн кийинки кызматташтыгы да маанилүү бойдон калат. Анын ишениминде, кызматташтык көбүрөөк аскерий аракеттерге эмес, биргелешкен экономикалык долбоорлорго негизделгени жакшы. Ооганстанда талиптерге каршы 11 жылдан бери жүрүп жаткан согушта 52 италиялык аскер курман болгон.
