Азерспэйс/Африкасат-1 деп аталган спутник орбитада 15 жылдай кызмат өтөйт деп күтүлүүдө. Азербайжандын телекоммуникациялык алгачкы спутниги орбитадан дигиталдык телерадиоберүүлөр, интернет байланышы, өкмөттүк байланышты камсыздоо максатын көздөйт жана ал Чыгыш Европа, Кавказ, Борбор Азия менен Түндүк Африка мейкиндигин камтый алат. Азербайжан спутниктин 25 пайыздай мүмкүнчүлүгүн пайдаланат, калган ресурсун бул аймактагы өлкөлөр сатып алат, - деп айтылат Азербайжандын Байланыш технологиялар министрлиги тараткан билдирүүдө.
