Шаршембиде Украинанын Донецк шаарындагы учак кырсыгында каза тапкандардын саны 5 ге жетти. Кырсыкка учураган АН-24 учагында 45 жүргүнчү болгон. Учак аталган шаардагы аба майданга конуп жатканда учуу тилкесинен чыгып кеткен. Одесса шаарынан чыккан учакта негизинен футбол күйөрмандары болгон. Алар шаршембидеги украиналык “Шахтер” клубу менен германиялык Боруссия Дортмунд клубун беттешин көрүү үчүн келе жатышкан.
