Бишкек Шаардык ички иштер башкармалыгынан кабарлашкандай, быйылкы жылдын үч айында баш калаада 528 жол кырсыгы катталып, андан 25 адам каза таап, 659у ар кыл жараат алган. Бул сан өткөн жылга салыштырмалуу эки эсеге көп. Мунун ичинен 60 пайызга жакыны жөө жүргүнчүлөрдүн катышуусу менен болгон. Ошондой эле балдардын катышуусундагы жол кырсыктары да арбын катталып, үч ай ичинде 103 бала жараат алып, бир өспүрүм каза тапкан. (BkA)
