Дамаскта кош жардыруудан кеминде 14 адам набыт болду

Дагы 30дан ашуун киши жаракат алды. Жанкечтилердин дүрмөттөлгөн эки машинеси Сириянын борбор калаасындагы Иммиграция жана паспорт департаментине жакын жерде жарылган. Мамлекеттик телеканал күйүп жаткан машинелерди, канга бөлөнгөн көчөлөр менен улам адамдарды ташып бараткан тез жардам машинелерин көрсөтүүдө.

Сирияда жанкечтилердин жардыруулары, өзгөчө, мамлекеттик имараттарга чабуулдар байма-бай катталууда.