ТИМдин статс-катчысы кызматтан кетти

Кыргызстандын Тышкы иштер министрлигинин статс-катчысы Асеин Исаев ишинен бошоду. Бул тууралуу буйрукка бүгүн премьер-министр Жантөрө Сатыбалдиев кол койду. Исаев кызматынан башка ишке өткөнүнө байланыштуу алынганы айтылды.

Статс-катчылык кызмат Кыргызстандагы мамлекеттик кызматтар арасында эң негизгилердин бири болуп эсептелет. Статс-катчы мекеме жетекчисинен кийинки эле эң жооптуу жана көп ыйгарым укуктуу кызматкер.

Асеин Исаев ТИМдин статс-катчысы болуп былтыр жазында дайындалган болчу. (RK)