Быйыл кавказ элинин Борбор Азия өлкөлөрүнө депортация болгонуна 70 жыл толот. 1944-жылы 23-февралдан тартып кавказ элин зордоп көчүрүү башталган. Ондон ашык улуттун өкүлдөрү, анын ичинде 70 миңдей карачайлар Кыргызстан менен Казакстандын 550 пунктуна жайгаштырылган. Экс-прокурор Ахмад Чомоев менен медицина илимдеринин доктору, академик Юсуф Шыгаев экөө ал жылдары тестиер бала болгон. Экөө эсте калган оор күндөр тууралуу эскерип, айтып беришти.