Беш жумага созулчу парламенттик шайлоонун экинчи айлампасы 9-апрелде өлкөнүн түндүк-чыгышындагы төрт штатта башталды. Куралдуу жикчилер же уруучул топтор добуш берүүнү үзгүлтүккө учуратпас үчүн коопсуздук чаралары күчөтүлдү. Башкаруучу Индия улуттук конгресси жана оппозициядагы индус улутчулдарынын "Бхаратия Жаната" партиясы чакан жана регионалдык партияларды өзүнчө коалицияга бириктирип, шайлоодо күч сынашууда. Добуш берүү 10 айлампа менен өтүп, 12-майда бүтөт. Добуштар 16-майга чейин саналып, жыйынтыгы ошо күнү жарыяланат. Келерки беш аптада 815 миллион адам добуш берүүгө тийиш.
