Бишкектеги Журналисттер аллеясында ушак-айың, жалган маалыматтарды таратууга каршы “Антиөрдөк” деген аталышта акция өтүүдө. Иш-чараны сөз эркиндигинин эл аралык күнүнө карата “Журналисттер” коомдук бирикмеси, "Жаш журналисттер кыймылы", «МедиаКонсалт» жана «ЖМКны колдоо борбору» коомдук фонддору биргелешип уюштурган. Анда символикалуу түрдө кагаздан жасалган өрдөктөр өрттөлүп, келгендерге өрдөк эти таратылууда. Иш-чарага 40ка жакын журналист катышып жатат. Акциядан соң аллеяда ишембилик өткөрүлөт.(BkA)
