Европа Биримдиги Украинанын жаңы президентин колдойт

Бул тууралуу Европа комиссиясынын жетекчиси Жозе Мануэль Баррозу Европа Биримдигине кирген өлкөлөрдүн саясий лидерлери менен 27-майдагы бейформал жолугушуусунда билдирди:

- Биз мыйзамдуу түрдө шайланган президентти колдойбуз жана өлкөнү турукташтыруу үчүн жардамды улантабыз. Мен бул пикирди жаңыдан шайланган президент Порошенкого телефон аркылуу эки күн мурунку сүйлөшүүдө айттым.

Брюсселдеги жолугушууда Европа лидерлери Украинадагы конституциялык реформа, энергетикалык коопсуздукту камсыздоо, финансылык колдоо маселелерин талкуулашкан. (AiT)