Президент Петро Порошенко мамлекеттик күчтөр Чыгыш Украинадагы жикчилдерге каршы чабуул жасайт деп билдирди:
- Биз чабуул жасап, жерибизди бошотобуз. Ок атпоо мөөнөтүн узартпоо террорчу, козголоңчу жана мародерлорго, тынч элди бүлгүнгө салган, экономиканы токтоткон жана айлык акы, пенсияларды төлөтпөй жаткандарга каршы биздин жооп болот.
Ок атпоо мөөнөтү 30-июнда соңуна чыкты. Ал күнү Орусия, Германия жана Франция лидерлери телефон аркылуу сүйлөшүүдө Петро Порошенко жикчилдер ок атпоо талаптарын аткарган жок деп белгилеген. Бул талапты эки тарап тең бузуп жатканы буга чейин кабарланган. (AiT)
