Бул тууралуу Суу чарба департаментинин жетекчисинин орун басары Тилек Исабеков билдирди. Анын айтымында учурда Кыргызстандын суу сактагычтарында суу запасынын 70 пайызы пайдаланылды. Буга байланыштуу сууну үнөмдүү пайдалануу үчүн жер-жерлерде атайын штабдар түзүлүп, атайын норма бекитилди.
Быйыл жылдын кургакчыл болушу дан эгиндерине, талаа өсүмдүктөрүнө олуттуу зыян келтирүүдө. Айрыкча сугат сууга байланыштуу маселе Чүй облусунда курч болуп жатат.
Кыргызстандын айдоо жерлеринин 90 пайызы сугат суусун талап кылат. Мындай жерлердин жалпы аянты 840 миң гектар. (BkA)
