Бишкектеги Михаил Фрунзе атындагы музейден экспонант катары турган үч желек уурдалды. Бул тууралуу шаардык милициядан кабарлашты. Маалыматка ылайык, 30-августта музейге келген көрүүчүлөрдүн бири көргөзмө залында турган желектерди алып чыгууга аракет кылган. Аны байкаган музей кызматкери токтотууга аракет кылган учурда аны бетке уруп, терезени талкалап качып кетүүгө үлгүргөн.
Уурдалган туулар Советтер союзунун сыйлык катары берилчү Өтмө Кызыл Туу жана башка эки желек болгон. Бул боюнча кылмыш иши козголуп, шектүү жаран изделип жатат.(BkA)
