Азиада: балбан Эламан Догдурбек уулу коло медал алды

Түштүк Кореянын Инчхон шаарында өтүп жаткан Азия оюндарында кыргызстандык балбан Эламан Догдурбек уулу эркин күрөш боюнча мелдешке чыгып, коло медал алды.

Ал 70 килограммга чейинки салмакта кытайлык Мьонгсонг Жанганы 6:0 эсебинде жеңип, коло медал тагынды. Ушуну менен Кыргызстан Азиададан эки медалдуу болду. Мындан мурдараак велоспортчу Евгений Ваккер күмүш медалды багынткан.

Инчхон шаарында Азия оюндары 19-сентябрда башталган, 4-октябрда жыйынтыкталат. Ага Кыргызстандан спорттун 21 түрү боюнча 114 спортчу катышууда. (UEz)