Президент Алмазбек Атамбаев мамлекеттик иш-сапар менен Казакстанга барып, Нурсултан Назарбаев менен энергетика маселесин талкуулайт. Бул тууралуу “Азаттыкка” өлкө башчынын басма сөз кызматы кабарлады. Казак тараптын чакыруусу менен уюштурулуп жаткан бир күндүк сапар 7-ноябрга белгиленди.
Анын алкагында Кыргызстан менен Казакстандын мамлекеттер аралык кеңешинин төртүнчү жыйыны болот. Ошондой эле эки тараптуу стратегиялык өнөктөштүк маселеси талкууланат. (SE)
