Apple компаниясынын башкы директору Тим Кук 2015-жылдын апрель айынан тарта дүкөндөрдө Apple Watch үлгүсүндөгү акылдуу сааттар сатыкка чыгарын билдирди.
Аталган саатка суу жана чаң жукпайт. Экраны сезимтал болгондуктан, функцияларын эч кандай баскычтарсыз бармак менен башкарууга мүмкүн. Аны убакытты көрүү үчүн гана колдонбой, музыка угуп, интернет пайдаланса да болот.
Сааттар 38 жана 42 миллиметр өлчөмүндө эки түрдө жасалууда.
Компания анын баасы 349 доллар болорун билдирген. Бирок 500 долларга чейин көтөрүлүшү айтылууда.
