Советтер союзунун баатыры Дүйшөнкул Шопоковдун элесине арналган бокс боюнча эл аралык мелдештин финалдык таймаштары бүгүн, 1-февралда болот. Дене тарбия жана спорт агенттигинин маалыматында, кыргызстандык сегиз мушкер алты салмак ченинде баш байге үчүн күч сынашат. Байгелер 10 салмак даражада ойнотулат.
28-январда Бишкектеги Кожомкул атындагы спорт ордосунда башталган турнирге 9 өлкөдөн 170ке жакын мушкер катышууда. Мелдеш быйыл 38 ирет өтүп жатат. (ECh)
