Мамлекет башчы Алмазбек Атамбаев Оштогу активдүү аксакалдар, аялдар жана жаштардын өкүлдөрү менен жолугушат. Андан тышкары Араван районундагы Керме-Тоо, Маңгыт айылдарына барып, ал жактагы мектептердин абалы менен таанышат. Ошондой эле райондун Өзбекстан менен чектеш жайгашкан Жаңы-Абат, Төбө-Коргон айылдарын кыдырат. Бул тууралуу президенттин басма сөз катчысы Жанар Акаев “Азаттыкка” билдирди.
Түштөн кийин мамлекет башчы Алмазбек Атамбаев Кара-Суу районундагы жатак мектептин да абалы менен таанышат.
Президент жакынкы күндөрү Баткенге барышы күтүлүүдө.
Алмазбек Атамбаев 25-май күнү Жалал-Абадга барып, Сузактагы жер көчкүдөн жабыркагандар менен жолуккан. Кечээ облустагы активдер менен жолугушуп, Көк-Жаңгактагы аскер бөлүгүнүн ачылышына катышкан.(ZKo)