Линктер

ЧУКУЛ КАБАР!
26-Октябрь, 2021 шейшемби, Бишкек убактысы 07:41

Венеция комиссиясы кыргыз Конституциясын өзгөртүү сунушуна камтама болууда


Кыргызстандын Конституциясына сунушталып жаткан өзгөртүүлөр демократия принциптерине, айрыкча бийликти бөлүштүрүү жана сот бийлигинин көз карандысыздыгына коркунуч жаратат. Мындай пикирин Европанын укук аркылуу демократия үчүн комиссиясы, башкача айтканда Венеция комиссиясы менен ЕККУнун Демократиялык институттар жана адам укуктары уюму билдирүүдө.

Аталган эл аралык уюмдардын белгилешинче, парламент депутаттарынын иммунитети сакталышы керек, саясий партиялар менен фракциялар депутатты мандатынан ажырата албайт, Жогорку Соттун Конституциялык палатасы сакталып калышы керек.

Ошону менен катар судьялардын ички көз карандысыздыгын камсыз кылуу боюнча да сунуштар айтылды.

Белгилүү болгондой, учурда парламентте башкаруучу фракция менен президенттик аппарат демилгелеген мыйзам долбоору талкууланып жатат. Анын максаты - быйыл күзүндө парламенттик шайлоо менен чогуу референдум өткөрүп, Конституцияга өзгөртүү киргизүү. Сунушталып жаткан өзгөртүүлөр президенттин, премьер-министрдин, депутаттардын ыйгарым укуктарына, Конституциялык палатанын статусуна жана судьяларды дайындоого байланыштуу. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG