Кыргызстанда иштеген 50 миңге чукул медициналык кызматкердин ичинен 20 миңи ар дайым кан менен тыгыз байланышкан кызматтарда иштейт.
Сарыктын бардык түрүнө каршы эмдөө үчүн атайын каражат каралбагандыктан Бишкек шаарындагы 300гө чукул гана медициналык кызматкер эмделип, аймактарда иштеген врач жана медайымдар сарыктын ар кандай түрүн жуктуруп алуу коркунучу бар. Бул тууралуу "Азаттыкка" Карантин жана кооптуу ооруларды алдын алуу борборунун жетекчиси Абдыкадыр Жороев билдирди. (BCh)
