Линктер

ЧУКУЛ КАБАР!
23-Октябрь, 2021 ишемби, Бишкек убактысы 14:37

Бишкек-Торугарт жолунда мерт кеткендердин тек-жайы такталууда


Бишкек-Торугарт жолунда кырсыкка кабылып мерт кеткен 7 кишинин төртөөнүн тек-жайы аныкталды. Өзгөчө кырдаалдар министрлиги берген маалыматка ылайык, каза тапкан кишилер төмөнкүлөр:

Орозбеков Азамат Сапар уулу, 24 жашта, Ысык-Көлдүн Түп районунун Ак-Булак айылынын тургуну, “Хонда-Одиссей” айдоочусу,

Андагулова Жаңыл Аманатовна, 41 жашта. Ысык-Көлдүн Ак-Суу районундагы Теплоключенко айылынын тургуну,

Исаева Чынара Рыскуловна, 44 жашта, Ысык-Көлдүн Тоң районуна караштуу Ак-Өлөң айылынын тургуну.

Касымалиева Анара Эсенбековна, жашаган жери, туулган жылы азырынча маалым эмес.

Набыт кеткен дагы үч адамдын аты-жөнү жана кай жерлиги аныктала элек.

Жараат алгандар:

Ильяз Тулеев, 30 жашта, Бишкек шаарынын тургуну, “Лексус-470” айдоочусу

Тулеева Назгүл Турсунбековна, 52 жашта. Бишкек шаарынын тургуну.

Бүгүн, 26-августта эртең менен саат сегизге жакын Бишкек-Торугарт жолунун Кең-Булуң айылындагы бөлүгүндө “Хонда-Одиссей” менен “Лексус-470” кагылышкан.

Маалыматтарга караганда, “Хонда-Одиссейдин” айдоочусу жол эрежесин бузуп, карама-каршы каттамга чыгып кеткен. Катуу кагылыштан автоунаа экиге бөлүнүп, ичиндеги алты жүргүнчү жана айдоочу каза тапкан.

Ал эми “Лексус-470” унаасы саатына 125 чакырым ылдамдыкта баратканы аныкталды. Андагы эки адам жараат алган. Ысык-Ата райондук милициясы окуя боюнча иликтөө жүргүзүп жатат. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG