Бириккен Улуттар уюмунун түзүлгөндүгүнүн 70 жылдыгына карата Ош шаарынын Черемушки кичи районунда "БУУнун багы" ачылат. Бул тууралуу аталган уюмдун өнүктүрүү программасынан кабарлашты.
Мындан тышкары бир ай бою Ош шаарында "БУУ агенттиктеринин ишмердиги сүрөттөрдө", "Ош: кечээ жана бүгүн", "Сулайман-Тоонун этегинде жашаган элдер" аттуу сүрөт көргөзмөлөр окуу жайларда жана административдик имараттарда уюштурулат.
Бириккен Улуттар уюму эл аралык кызматташтыкты жана тынчтыкты сактоо максатында 1945-жылы 24-октябрда түзүлгөн. Кыргызстан 1992-жылдын 2-мартынан бери БУУнун мүчөсү.(YI)
