Линктер

ЧУКУЛ КАБАР!
22-Октябрь, 2021 жума, Бишкек убактысы 20:12

Жон Керри ушул жумада Борбор Азияга келет


Жон Керри.

АКШ мамлекеттик катчысы Борбор Азиядагы беш мамлекетке биринчи жолу иш сапар менен келет. Америкалык аткаминердин сапары 30-октябрда башталат.

Алгач Бишкекте жайгашкан Борбор Азиядагы Америка университетинин жаңы имаратынын ачылышына катышат. Бийлик өкүлдөрү менен жолугушуусу тууралуу азырынча маалымдала элек.

Андан соң Өзбекстандын Самарканд шаарына барып, чөлкөмдөгү беш өлкөнүн тышкы иштер министрлери менен кеңешме өткөрөт. Бул жыйын Вашингтондун аймак менен алакасын чыңдоодогу жаңыча форматы экени айтылууда.

Астана шаарында болсо “АКШ жана Казакстан. Стратегиялык кызматташуу” деп аталган жыйында эки тараптуу жолугушуу өткөрөт.

Андан ары Түркмөнстанга жана Тажикстанга барып, 3-ноябрда иш сапарын жыйынтыктайт. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG