27-мартта Кишинев көчөсүнө чыккандар Румыния менен биригүүнү жакташты. Митингди уюштуруучулардын маалыматы боюнча ага 50 миңдей киши катышты. Ал эми полиция 5-6 миң адам катышканын билдирүүдө. Көчөгө чыккандар коррупция каптаган Молдованын Румынияга биригүүсү Европа Биримдигине кошулууга жол ачаарын белгилешти. Бул акция 1918-жылы 27-мартта азыркы кездеги Украина жана Молдованын аймактарынан турган Бессарабиянын Румыния менен биригүүсүнүн 98 жылдыгын белгилөөгө арналды. Экинчи Дүйнөлүк согуштан кийин Бессарабия СССРдин курамындагы Молдова Советтик Социалисттик Республикасы деп жарыяланган. (AiT)