Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 13:26

Кыргызстан ФИФА рейтингинде 100-орунга көтөрүлдү


Кыргыз футболчулары Тажикстан менен ойноодо. Дүйшөмбү шаары

Кыргызстан эл аралык футбол федерациясынын кезектеги рейтингинде рекордун жаңылап 100-орунду ээледи. Бул тууралуу ФИФАнын расмий сайтында жазылган. 7-апрелде жаряланган рейтингде Кыргызстан өткөн айга салыштырмалуу беш тепкичке жогорулаган. Рейтингдеги жогорулоо өткөн айда Кыргызстандын футбол боюнча улуттук курама командасы тажикстандык атаандаштарын дүйнө чемпиондугунун тандоо оюндарында 0:1 эсебинде утуп алганына байланыштуу болду. Бул көрсөткүч кыргыз футболунун тарыхында рекорддук көрсөткүч болуп саналат. Буга чейин Кыргызстан эки ай катары менен 105-катардан орун алып келген.

Кыргызстандын футбол боюнча улуттук курамасы ушуну менен 2015-жылдын декабрь айынан бери төртүнчү жолу катары менен рекорд жасады. 2015-жылдын декабрь айында жарыяланган рейтингде Кыргызстан 108-катарга жайгашып 2006-жылдын август айында ээлеген 119-ордун жаңылаган. Борбор Азия өлкөлөрүнөн Өзбекстан 65, Казакстан 116, Түркмөнстан 128, Тажикстан 164-орунда жайгашкан. Дүйнө лидерлеринин көч башын Аргентина, Бельгия, Чили, Колумбия жана Германия курамалары жетектейт.

Ошондой эле Кыргызстан Азия чөлкөмүндөгү командалардын рейтингинде 12-орунга көтөрүлдү. Бул дагы жаңы рекорд болуп саналат.(UEz/ECh)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG