Линктер

ЧУКУЛ КАБАР!
16-Октябрь, 2021 ишемби, Бишкек убактысы 04:47

Паспорт даярдоо ишин толук мамлекетке алуу сунушталды


Иллюстративдик сүрөт.

Бул тууралуу Жогорку Кеңештин 25-майдагы жыйынында Стамбулда кыргыз паспорттору менен кармалган кытайлык уйгурлардын окуясы талкууланган учурда айтылды. Депутаттар мамлекеттик документтерди жасаган кылмыштуу топторго бөгөт коюу, паспорт даярдоо ишин толугу менен мамлекеттин карамагына өткөрүү, документтерди жасай турган жабдууларды сатып алууга каражат табууну өкмөткө сунушташты.

17-майда Стамбулдагы Ататүрк аэропортунан Жиддага учуп жаткан маалда кыргызстандык паспорт менен 98 кытайлык уйгур кармалган болчу. Мамлекеттик каттоо кызматы бул документтердин чыныгы ээлери Кыргызстанда жашарын жана уйгурлардан алынган паспорттор жасалма экенин билдирип келет.

Жасалма паспорт жасаган деген шек менен Стамбулда Кыргызстандын төрт жараны да колго түшкөн. ИИМ бул окуя боюнча кылмыш ишин козгогон. (NT)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG