Линктер

ЧУКУЛ КАБАР!
22-Октябрь, 2021 жума, Бишкек убактысы 02:20

Түркия менен Австрия кайым айтышууда


Түркиянын тышкы иштер министри Мевлүт Чавушоглу Австрияны “радикалдуу расизмдин борбору” деп сынга алды. Бул Австрия канцлери Кристиан Керндин Түркияны Евробиримдикке кошуу боюнча сүйлөшүүлөрдү жокко чыгарарын демилгелейм дегенине жооп болду деп кабарлайт "Рейтер".

Шаршембиде Керн Түркиядагы төңкөрүш аракетинен кийинки адам укуктарынын бузулушунан улам ушундай пикирин билдирген.

Чавушоглунун жума күнкү билдирүүсүнө Австрия Тышкы иштер министрлиги жооп кайтарып, Анкарага “үй тапшырмаларын жакшы аткарууга” жана билдирүү жасоодо кылдат болууга кеңеш берди.

Бул арада Еврокомиссия төрагасы Жан-Клод Юнкер Түркиянын Евробиримдикке кирүүсү боюнча сүйлөшүүлөр токтотулбасын айтты.

Биримдикке кошулуу үчүн Түркия Еврокомиссиянын 70тен ашуун талаптарын аткарышы шарт. Төңкөрүш аракетинен кийин түрк бийлиги адам укуктары боюнча Европа конвенциясынын ишмердигин убактылуу токтотуп, өлкөдө өлүм жазасын киргизүү демилгесин көтөрүшкөн.

Брюсселдегилер адам укуктары сакталбаса, өлүм жазасы колдонулса Түркиянын биримдикке кириши мүмкүн эместигин айтышкан.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG