Адам укуктары боюнча адвокат Марк Фейгин өлкөдөн чыгуусуна тыюу салууну Крым татарларынын кызыкчылыгын Европа коопсуздук жана кызматташуу уюмунун Варшавадагы жыйынында коргоосуна тоскоолдук жасоо деп билдирди.
18-августта тыюу салган чечимдин сүрөтүн Твиттерге жарыялаган Фейгин, тыюунун максаты - Украинага баруусуна чек коюу экенин кошумчалаган. Марк Фейгин Орусия абагында эки жылдай кармалган Надежда Савченконун адвокаты болгон. Орус бийлиги Фейгиндин сыртка чыгуусун чектөө анын карызына байланыштуу деп белгилеген. Фейгин ал кандай карыз экенин айткан эмес. (AiT)
