Линктер

ЧУКУЛ КАБАР!
24-Октябрь, 2021 жекшемби, Бишкек убактысы 20:59

ИИМ: Интерпол Батыровду издөөдөн баш тарткан


Бул тууралуу ички иштер министринин орун басары Данияр Абдыкаров бүгүн парламенттин Эл аралык иштер, коргоо жана коопсуздук боюнча комитетинин жыйынында маалымат берип жатып билдирди. Анын айтымында, Кадыржан Батыров оор кылмыштарга айыпталып эл аралык издөөгө алынган. 2010, 2012-жылы Интерполго бул багытта өтүнүч жиберилген. Бирок, Интерпол издөө саясий мүнөздө деген негиз менен Батыровду кармоодон баш тарткан.

Данияр Абдыкаровдун билдиришинче, Батыровго Орусияда да алдамчылык боюнча издөө салынган. Ал эми Башкы прокурордун орун басары Людмила Усманова Батыровду экстрадициялоо боюнча Швецияга өтүнүч жиберилгенин, анткен менен алардан да оң жооп келбегенин кабарлады.

Жогорку Кеңеш комитети Кадыржан Батыровдун 22-сентябрда Варшавадагы ЕККУ жыйынында айткан сөздөрүн талкуулап жатат. Жыйынга Тышкы иштер министрлиги, УКМК, Бышкы прокуратура, ИИМ өкүлдөрү чакырылган.

Тышкы иштер министрлиги ЕККУнун Кыргызстанда оор кылмыштарга айыпталган адамга аянтча түзүп бергенине каршылык билдирди. (NT/BkA)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG