Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 20:08

Отунбаева даректүү тасманы көп тартууга чакырды


Роза Отунбаева.

Экс-президент Роза Отунбаева кыргызстандык жаштарды даректүү фильмдерди көрүүгө, мындай тасмаларды көбүрөөк тартууга чакырды. Бул тууралуу ал "Бир дүйнө - Кыргызстан" фестивалынынын жабылыш аземинде сүйлөп жатып билдирди:

- Бул фестиваль токтобошу керек. Дайыма улантуу зарыл, - деп айткан Отунбаева иш-чаранын уюштуруучусу, укук коргоочу Төлөкан Исмаиловага ишмердиктеги өйдө-ылдыйга карабай, эмгектенүүнү уланта берүүгө үндөдү.

Адам укуктарына арналган “Бир дүйнө - Кыргызстан” даректүү тасмалар фестивалы бүгүн аяктоодо. 31-октябрда башталган иш-чаранын алкагында көрөрмандарга чет элде жана Кыргызстанда тартылган 19 фильм сунушталды. Быйыл онунчу жолу өткөн фестиваль Кыргызстандын эгемендигинин 25 жылдыгына арналды.

Фильмдер “Манас” кинотеатрында саат 9:30дан 18:00гө чейин акысыз көрсөтүлдү. Бүгүн мыкты тасмалар аныкталып, режиссерлор сыйланып жатат. Андан ары тасмалар Кыргызстандын аймактарында элге тартууланат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG