Линктер

шаршемби, 20-сентябрь, 2017 Бишкек убактысы 22:23

Ооган армиясынын генералы тик учак кыйрап курман болду


Өлкөнүн түштүк-батышындагы Бадгис провинциясында болгон кырсыкта генерал менен бирге тик учакта болгон жети бийлик адамы жаракат алган. Ооганстандын Коргоо министрлигинин маалымат кызматынын өкүлүнүн кабарлашынча, Ооганстан батышындагы аскер башчысы, генерал Мухиддин Гхори түшкөн тик учак 29-ноябрда провинциянын Мури Чак жергесине өзгөчө кырдаалда конгон. Ооган бийлиги тик учак техникалык себептерге байланыштуу кырсыкка учураганын билдирди. Ал эми талиптер тик учак алардын жерден аткылоосунан кыйраганын билдирип чыгышты. Тик учак генерал Гхори Багдис провинциясына жайгашкан аскерий базага сапарын аяктап, кайткан мезгилде кырсыктаган. (AiT)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG