Кыргызстанда 11-декабрда Конституцияны өзгөртүү боюнча референдум жана жергиликтүү кеңештерге шайлоо өттү. Кыргызстанда жергиликтүү кеңештерге шайлоо 22 шаарда болду. Ага жалпысынан 35 саясий партия катышты. Ал эми 389 айылдык кеңешке 18 миңден ашуун талапкер катталган. 3938 талапкер саясий партиялардан, калганы өзүн-өзү көрсөткөн талапкерлер.
17 шаарда бийликчил КСДП партиясы эң көп добуш алды. Ал эми Каракөл шаарында “Энергетиктер”, Орловкада “Республика - Ата Журт”, Чолпон-Ата шаарында “Табылга” партиясы жарандардын көбүрөөк колдоосуна ээ болгон. Бул шаарларда КСДПга көп добуш берилбесе да, жети пайыздык босогодон өтүп, мандат алуу мүмкүнчүлүгүнө ээ болду.
Айрым шаарлардагы уткан партияларды инфографикадан көрө аласыз:
