Учак кырсыгынан набыт кеткен дагы бир түркиялык учкучтун тек-жайы аныкталды. Бул тууралуу бүгүн Кыргызстандын Саламаттыкты сактоо министрлигинен кабарлашты.
24-январда Түркиядан келген адис Бишкектеги Соттук-медициналык экспертиза борборунун кызматкерлери менен бирге ДНК анализди изилдөөгө киришкен. Анын жыйынтыгы бүгүн чыкты. Маркумдун сөөгү түнү менен Түркияга жөнөтүлөт.
16-январда "Манас" аэропортунун жанында түркиялык учак кулап, ичиндеги 4 адам жана 35 жергиликтүү тургун набыт кеткен. Экипаждын үч мүчөсүнүн сөөгү буга чейин мекенине жөнөтүлгөн. (RK)
