Лондондогу кол салуудан жети адам ажал тапты
Улуу Британиянын борбору Лондондогу кол салуудан жети адам мерт кетип, 30дан ашыгы жараат алды. Британ полициясынын маалыматы боюнча, ишемби күнү кечинде Лондон көпүрөсүндө өтүп бараткан машина адамдарды сүзүп баштаган. Андан соң адамдар көп жүрчү “Боро Маркет” районуна жетип, унаасын таштап көчөдөгү адамдарга бычак менен кол салган. Полиция кылмышка шектүү үч адамды атып өлтүрдү. Бийликтер бул окуяны теракт катары баалады.(Reuters).
