Түркиянын Эмгек министрлигинин статистикасы боюнча, былтыр 3 612 кыргызстандык мигрант эмгек визасын алган. Бирок Түркияда мыйзамсыз иштеген журтташтарыбыз жүздөп саналат. Көбүнесе тейлөө кызматтарында, үй жумуштарында иштеген журтташтарыбыздын катарында менчик компания ачып түрк жарандарын иш менен камсыз кылгандар да кездешет. Университтерде мугалим болуп иштеген мекендештер менен катар догдур, инженер, котормочулук кесипти аркалагандар да бар.