Линктер

ЧУКУЛ КАБАР!
28-Октябрь, 2021 бейшемби, Бишкек убактысы 21:07

Казакстан латын арибин 2017-жылдын аягына чейин кабыл алат


Казакстандын Билим берүү министри Ерлан Сагадиев.

Казакстан ушул жылдын соңуна чейин казак тили үчүн бирдиктүү латын алфавитин түзүп, кабыл алат. Бул тууралуу Казакстандын билим берүү министри Ерлан Сагадиев 26-июлда Астанада өткөн маалымат жыйында билдирди.

Ал 13-апрелде бул боюнча куралган атайын комиссия казак тили үчүн ыңгайлаштырылган, латын графикасынын негизинде алфавитти түзүүнүн үстүндө иштеп жатканын кошумчалады.

Сагадиев 1-сентябрдан тарта өлкө боюнча 500дөй класс англис тилинде окуй баштарын билдирди.

Казакстандын президенти Нурсултан Назарбаев 2025-жылдан тарта бардык документациялар, көчө аталыштарына чейин латын арибинде болушу керектигин билдирген.

Казакстан 1929-жылдан 1940-жылга чейин латын алфавитин колдонгон. Андан кийин кириллицага өткөн.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG