Президент Алмазбек Атамбаевдин 26-августтагы жарлыгы менен Жеңиш Разаков Кыргызстандын Коопсуздук кеңешинин катчысы болуп дайындалды. Бул тууралуу президенттик аппараттын маалыматтык-саясат бөлүмүнөн билдиришти.
Жеңиш Разаков аталган кызматка Темир Жумакадыровдун ордуна келди.
50 жаштагы Разаков буга чейин коопсуздук боюнча вице-премьер-министр, андан мурдараак - Кыргыз өкмөтүнүн Баткен облусундагы ыйгарым укуктуу өкүлү кызматын аркалаган.
Президенттин дагы бир жарлыгына ылайык, Жумакадыров бүгүн коопсуздук боюнча вице-премьер-министр болуп дайындалып, жаңы өкмөт башчы Сапар Исаков баштаган өкмөттүн жаңы курамына кирген.
Ал эми мурдагы биринчи вице-премьер Мухамметкалый Абулгазиев президенттин кеңешчиси болуп дайындалды. (NT)
