Иш-чараны "Адилет" укуктук клиникасы уюштурууда. Аталган клиниканын шайлоо долбоорунун координатору Бектур Осмонбаевдин "Азаттык" радиосуна билдиришинче, тегерек үстөлдө шайлоо мыйзамдарына байланыштуу маселелер ортого салынат:
- Шайлоо мыйзамдары, шайлоочулардын укугу, мыйзамдардын аткарылышы жана Кыргызстандагы шайлоо системасынын жетишпеген жактары тууралуу маселелер ортого салынат.
Тегерек столго БШК төрайымы Нуржан Шайлдабекова катышып, сөз сүйлөрү күтүлүүдө. Ошондой эле Боршайкомдун башка мүчөлөрү, жарандык коом өкүлдөрү, көз карандысыз эксперттер катышат.
Кыргызстанда президенттик шайлоо 15-октябрда болот. Ага 12 талапкер ат салышууда.
